Sevgilim Qalbimning zori, Faqat mani yorim. Quyoishda salqinim, Tunlari yorqinim. Orzuda ishonchim, Hayotda quvonchim. Umrimning armoni, Dardimning darmoni. Ishqimning sururi, Yurakning g'ururi. Sevgim sohili, Nafasim oxiri. Erta tong nahorim, Qaytmas bahorim. Sochdagi tolam, Tuganmas nolam. Ko'zimning qorasi, Dilimning yarasi. Q'limning titrog'i, Gulimning yaprog'i. Ko'zimdagi yoshim, Bag'rimdagi toshim. Yagona go'zalim, Sizsiz mani sevgilim! _______________________________________________
SOG`INAVERAR Qish ham o`tib kelmoqda bahor, Yurak yana sog`inar seni Ko`zlarim ham senga intizor, Sog`inchdan yuragim yonmoqda meni.
Bu bahor ham o`tar baribir, Ko`nglim seni sog`inaverar Seni sog`inaman negadir, Isming aytib yuragim urar.
Bahor o`tib keladi yozlar, Sog`inaman seni yana ham Sog`inchga to`lganda yuraklar, Kelib qolsang edi shu mahal.
Yoz ham o`tib kelganida kuz, O`ylaymanki u bugun kelar, Bilaman qachondir kelasan, Lekin yurak sog'inaverar.
Har bir daqiqa ham o`tar to`xtamay, Aylanib kelaverar yillar Lekin yurak menga indamay, Faqat seni sog`inaverar... _______________________________________________ SEVGI. Senga jonim fido bo`lsin, Tanamdagi qonim mening Sensiz bir zum yasholmasman, Vujudimsan jonim mening. Dunyoda yashayver mangu, Sen kerak yuraklarga, Sening bergan azoblaring Oro berar qalblarga. Sevgi! Senku har yurakni Xursand qilib yig`latgan, Har insonda paydo bo`lgan Borim mening, yo`g`im mening. _______________________________________________
Muhabbat Muhabbat, ey go`zal iztirob, Ey ko`hna dard, ey ko`hna tuyg`u. Ko`kragimga qo`lingni tirab, Yuragimni to`kib qo`yding-ku.
Qancha ko`zlar menga zor edi, Na g`am, na anduhim bor edi. Qushday yengil ruhim bor edi, Chok-chokidan so`kib qo`yding-ku.
Ne qilarding menga tegib sen, Yengilmagan edim — yengib sen, Boshlarimni yerga egib sen. Qomatimni bukib qo`yding-ku.
Sen men uchun bir xayol eding, Yaxshi bor yo yaxshi qol eding, Jon kerakmi — mana ol endi, Qiynar bo`lsang qiynab to`yding-ku.
Bilmam, nima edi maqsading: Menga bir juft guling asrading, Birin otin Kumush atading, Birin ismin Zaynab qo`yding-ku!
Muhabbat, ey go`zal iztirob, Ko`chang kezdim sarson, dovdirab, Yuzlarimga yuzlaring tirab, Ko`zlarimni boylab qo`yding-ku!.. _______________________________________________
Esimdadir Esimdadir ajib dam hali: Ko'z oldimda bo'lding namoyon, Pok go'zallik dahosi kabi, Bir lahzalik xayol, tushsimon.
G'am-alamdan dilim yonganda Tushlarimda ko'rdim chehrangni, Hayotdagi bo'm-bo'sh suronda Kelib turdi tovshing jarangi.
Yillar o'tdi. Isyon bo'roni Xayollarim sovurdi dildan. Va unutdim dilbar sadongni, O'chdi aziz chehrang yodimdan.
Quvg'inlikning changida nursiz G'amga to'lib kunlarim botdi; Xudo, ilhom, ko'z yoshisiz, Ishq, iztirob, hayotsiz oqdi.
Mana, qalbga oshno bo'ldi nay, Ko'z oldimda bo'lding namoyon, Go'zallikning sof parisiday, Bir lahzalik ajib tushsimon.
Ruhim yana uyg'ondi bu dam, Yana unda tirildi najot; Yana dilda xudo va ilhom, Ko'z yoshi-yu muhabbat, hayot
|