Oilada chaqaloq tug`ilgach, unga ism tanlash ham ota-onadan katta mas'uliyat talab qiladi. Azaldan xalqimiz o`z farzandlariga yaxshi xulqli, iymon-e'tiqodi buyuk, qilgan ezgu amallariyu boshqa sifatlari bilan el mehrini qozongan kishilar ismini qo`ygan va bundan g`ururlangan. Umuman, inson taqdirida uning ismi qanchalik katta ahamiyatga ega ekani bizga yaxshi ma'lum. Xo`sh, yurtdoshlarimiz bugun o`z farzandlariga qanday ismlarni tanlayaptilar?
2008 - Yoshlar yilida respublikamiz bo`yicha 654334 nafar farzand dunyoga kelgan bo`lib, ularning 336708 nafari o`g`il, 317623 nafari qizdir. Aynan Toshkent shahrida esa o`tgan yili 42940 nafar chaqaloq - 22238 nafar o`g`il, 20702 nafar qiz tug`ilgan.
